Shillong, Iaiong 08: Ha ka jingjia ba sngewsih, uwei u Longkpa ula duh noh iala ka jingim na ka jingngam jyllop hadien ka jingkylla ka lieng ha pung Umiam, ha ka janmiet sngi U Blei.
Kat kum ka khubor Pulit, Une u Rangba u kyrteng u Mahamsing Sten, 39 snem ka rta uba dei na ka shnong Kiewkyrdem, Ri-Bhoi District. Une u rangbah ula shong ha ka lieng ha ryngkat u khun ba 10 snem bad saw ngut kiwei pat, da ka jingthmu ban jam sha shiliang ka pung umiam ban iabam khana.
Katba ki dang kieng ia ka lieng ha pung umiam, ka lyer kala jur kaba wan bad pynkylla pyllup ia ka lieng ha kaba baroh 6 ngut ki briew kila hap lut sha um. San ngut na kine, kynthup u khun jong une u rangbah, kila lait im hynrei sngewsih ba u Bah Sten ula ngam jyllop.
Ia ka met jong u Bah Sten la lap hynne ka step sngi Nyngkong da ka jingiarap jong ka State Disaster Response Force (SDRF) bad ki trai shnong.
Ki Pulit kila pynkit noh ia ka met sha Umiam Police Station hashuwa ban aiti sha ki bahaiing hasem ba kin ioh pyndep ia ka lehniam leh rukom kaba khatduh.
