Shillong, Jylliew 30: “Ngam don kano kano ka jingshun shimet ia kong Phidalia Toi hynrei iaka rai ban weng ia ka na ka shuki Chairperson ka Meghalaya State Commission for Women (MSCW) la shim hadien ba bishar ia ki File ba poi sha ka miej jong nga” ong u Bah Paul Lyngdoh Myntri ka tnad Social Welfare ka Jylla.
Haba kren sha ki lad pathai khubor u bah Paul ula ong ba kum u Myntri ba khmih iaka tnat ula dep ban bishar sani ia jingtreikam jong ka kong Phidalia ha kine ki snem kiba la leit bad la lap ba kam pyndep hok ia ka deiti ba la bynshet ha ka.
U bah Paul ula iathuh ba ha ki 12 sien shong jingialang ka Commission na ka liang ka Chairperson kam ju wan jinglang satia da kaba ai daw ba kam don hapdeng ka met bakoit ba khiah.
“Kum ka khlieh duh ka Commission, ka kong Phidalia Toi kam ju wan shim bynta ha ki 12 tylli ki jingialang jong ka Commission bad nalor kata, kala pynkhein ia ki kyndon kiba la khang pyrshah ia ki Chairperson ka Commission ban shim bynta ha kino kino ki jingialang saiñ pyrthei” la ong u bah Paul.
Haba kylli lano ka Commission kan ioh Chairperson thymmai, u bah Paul ula iathuh ba na ka liang ka tnat ka la rai ban thung ia ka Search Committee ban wad Chairperson thymmai jong ka MSCW.
U bah Paul ula iathuh ba ki dkhot jong kane ka Committee kin dei ki ophisar ka sorkar bad ruh ki Principal jong ki kolej kum na Women’s Colleges bad Lady Keane College.
Pule ruh: Assam: Kem ki Vigilance Cell ia 7 ngut kiba bamsap na ka skhim PDS ha Sonitpur
 la shim hadien ba bishar ia ki File ba poi sha ka miej jong nga” ong u Bah Paul Lyngdoh Myntri ka tnad Social Welfare ka Jylla.){kind=link}