Shillong, Risaw 02 : Ka Meghalaya kala pynliem ia ka Manipur da 17 runs hynne ka sngi Balang ban pyndep ialade ha ka kyrdan ba hakhlieh duh jong ka Group A bad ban rung sha ka semifinal ka 1st Senior Women’s Interstate Friendship T20 Tournament 2024 jong ka North East Cricket Development Council’s (NECDC) ba long ha madan Pahamsning, Ri-Bhoi.
Ka Sikkim kala jop ia ka Mizoram da 9 runs ha ka jingiakhun kaba ar jong ka Group B. Ka Sikkim kala jop ia ka Nagaland ha ka sngi Ba-ar bad pyndep ialade ha ka kyrdan ba hakhlieh jong ka Group. Ka Nagaland kala wan ba-ar ha ka Group B bad ka Manipur kala wan ba-ar ha ka Group A.
Ka Meghalaya kaba la jop ia ka jingkynting pisa, kala jied ban tied nyngkong bad kala ioh ban kamai 97/5 ha ka 20 over.
Ka Manipur haba beh ia ka thong, kala lah ban kamai tang 80 runs bad hap lut ki wicket hapoh ka 18.4 over.
Ka Meghalaya ka dei ka kynhun kaba nyngkong ban jop ha kane ka lympung haba leit tied nyngkong bad la bud pat ia ka da ka Sikkim.
Ka Sikkim kala hap ban tied nyngkong bad lah kamai tang 72/7 ha ki 20 over hynrei ka Mizoram haba wan beh ia ka thong, kala lah ban kamai tang 63/8 ha ki 20 over.
Ka jingiakhun semifinal jong baroh artylli ki jingiakhun kin long la sngi Palei. Ka Meghalaya kan iakhun pyrshah ia ka Nagaland ha ka por 9 baje mynstep bad yn pynbud da ka jingiakhun hapdeng ka Sikkim pyrshah ia ka Manipur ha ka por 12:30 baje janmiet.
 ba long ha madan Pahamsning, Ri-Bhoi.){kind=link}