spot_img

NE Regatta 2025 | Sdang ka iakop niah lieng bad yatch ka YAI ha pung Umiam

Date:

Share post:

Shillong, Jymmang 25 : Ka jingialehkai iakop niah lieng bad yatch kaba lai bala tip kum ka 3rd YAI North East Regatta 2025, kala sdang hynne ka sngi ha pung Umiam.

Ia kane ka jingiakop la pynlong da ka Umiam Sailing Club bad ka UDAY Sailing Foundation bad la kyrshan ia ka da ka Yachting Association of India (YAI) lem bad ka International 420 Class Association of India.

Kane ka jingiakop niahlieng bad yatch (regatta) ka dei kawei na ki lympung ialehkai ba paw bha hapoh ka Ri ha ka Junior National Ranking Regatta bad kan iaid haduh ka 29 tarik Jymmang, ka ban pyni iaki sap niahlieng jong ki samla ha ki wah bad ki pung ka ri India.

Ki jingïalehkai bha hangne kin long kiba kongsan bha ha ka jingjied ïa ki nongïalehkai kiban long shibynta jong ka kynhun ialehkai ka ri ki ban ïakhun ha ka Asian Games 2026.
Ia ka jingialang ot ribbon ia kane ka jingialehkai (Regatta) la pynlong ha pung Umiam bad la wan iashimbynta da ki heh ki hain ba kynthup ia u Lt Gen TSA Narayanan, AVSM, Vice President ka YAI, kum u kongsan.

Kiwei kiwei ki long ia u Dr Vijay Kumar, IAS, Commissioner and Secretary ka Tnad Jngohkai ka Jylla, uba dei ruh u Chairman ka Umiam Sailing Club, u Uday Bhan Singh Yadav bad kaSarla Yadav, Directors ka UDAY Sailing Foundation; bad Capt Jitender Dixit, Secretary ka YAI

Share post:

spot_img
spot_img

Popular

More like this
Related

Tam ki SDRF ia ka metiap u rangbah na wah Umshing

Shillong, Nailar 04 : Ka kynhun ki State Disaster...

Thoh ka Harijan Panchayat Committee ban pyllait iaka Them Metor na ka Parking Policy

Pynkynmaw ia ka jingiakynad pher Jaidbynriew bad ki Khasi...

Mih ka KSU-Kupli Area ban khanglad ia ka jingwan rung tuh ki mynder ba kyndang ka Assam

Shillong, Nailar 04 : Ka Khasi Students Union (KSU)-Kupli...

Hap ka maruti sha riat Rngain | Suba iap 5 ngut ki briew

Shillong, Nailar 04 : Kumba 5 ngut ki briew...