SHILLONG, Naiwieng 15: Ka Meghalaya kan iakhun pyrshah iaka Mizoram haka phainal jong ka U-21 men’s football haka lympung North East Olympic Games 2022 ka ban long ha madan MFA Turf Polo ground, Shillong haka por 1 baje nohphai sngi lashai ka sngi balang.
Haba iadei bad kane naka liang ka he Meghalaya Football Association (MFA) ka pyntip ba namar ka jingkhapniah ka jaka peitkai la kyntu iaki paidbah ban peit iaka jingiakhun hapoh ka madan Shillong Sport Association (SSA) Football Ground I Polo bala pyndait da 3 tyllk ki LED Giant Screen.
Ka MFA ka pyntip ba ka jingdie Ticket kan sdang naduh 11 mynstep bad la kyntu iaki nongpeit ban don noh ha madan haka por 12 baje.
La pyntip ruh ba ym shah ban rah bilor um, cigarette, biri, lighter, match box, dieng lama, whistles, jingbam, ki kynja jingpynbthei, pla, kwai, bad chewing gum hapoh ki jaka peit kai.
Nalor kane ka MFA ka pyntup ruh ba la pyndait iaki LED Giant Screen ha kiwei kiwei ki jaka kum ha Assam Club, Laban, Police Bazaar, Shillong and Tura naka bynta kito kiba kwah peit kai bad nalor kane lah ban iohi ruh iaka jingialehkai hapoh ka DD Sports Channel, ha Prasar Bharati Sports Youtube channel daka ba leit ha ka link is https://youtube.com/c/PrasarBharatiSports.
