Kohima, Naitung 06 : Ban pynbeit ia ka jingdawa ka Eastern Naga ia laka jong ka Jylla, ka Sorkar India, ka Eastern Nagaland People’s Organisation (ENPO) bad ka Sorkar Nagaland, la khmih lynti ba kin sa iasoi ia ka sokular halor kane ka kam.
Ha ka sngi Balang, u Myntri Rangbah Neiphiu Rio, Symbud Myntri Rangbah Yangthungo Patton bad TR Zeliang ha ryngkat kiwei ki MyntriSorkar bad MP ka Rajya Sabha lem bad u Lamphang ka Iingdorbar Thaw Ain, kila iakynduh ia u Myntri kam Pohiing ka Ri Amit Shah ha Delhi.
U Amit Shah ula pyntip ba ka jingiakren pynbeit kala iaid shaid shaid hapdeng ka Sorkar Pdeng bad ka ENPO bad bynrap “Shen ngin sa buh ia ka Tarik ban shong iakren sani bad ka Sorkar Jylla”.
U Amit Shah ula kren shai sha ka kynhun b aka jingtyrea ka Sorkar Pdeng ban ai Autonomous Council lane ka Frontier Naga Territory sha ka Eastern Naga, yn sa iasyllok bad ka Sorkar Jylla lem bad ka ENPO ban poi sha ka jingiasngewthuh jingmut.
Ka ENPO kala kyntait ia ka jingai jingmut ba 27 tarik Naitung 2011 jong ka Sorkar Jylla sha ka Sorkar Pdeng ban pynkha ia ka Autonomous Council ia ka Eastern District.
Pule lang ia kane: Phah tohkit ka Myntri ba bret kai ia ki dawai da ki lak tylli sha Marten
