Guwahati, Nailar 7: U wei u heh nongialam ka ULFA-(I) ha ryngkat bad lai ngut ki dkhot kaba dei ka kynhun ba la shah niew beain bad shah khang khang kila leit ban pyndem noh ia lade sha ki bor ba dei khmih bad synshar ha Nagaland.
Ia une u heh nongialam la tip kyrteng kum u Janardan Gogoi ba ju khot sin kum u Jit Asom, uba dei napoh ka Tinsukia district jong ka jylla Assam bad uba dei ruh u dkhot ba kongsan jong u Paresh Baruah uba dei u nongialam jong kane ka kynhun ULFA (I). Ia u Gogoi la aiti noh sha ki pulit jong ka Charaideo district, Assam na ka bynta ban tohkit bniah.
Ha kawei pat ka jingjia, lai ngut ki dkhot jong ka ULFA (I) kila leit ban pyndem noh ia lade ha khmat ki heh shipai jong ka Assam Rifles kiba don hapoh ka shnong Shanglangso kaba hap hapoh ka Mon district jong ka eastern Nagaland. Ia kine ki lai ngut la tip kyrteng kum u Dweepjyoti Saikia (Karbi Anglong), Anthony Moran (Tinsukia), bad u Paragjyoti Chetia (Charaideo).
“Kine kila wan rung shapoh u pud u sam jong ka ri India bad kila leit ban pyndem sha ki shipai jong ka Assam Rifles ha Mon district. Ia kine la wan ialam noh sha Charaideo police station na ka bynta ka jingtohkit bad sa u wei u heh jong ka kynhun ULFA (I) u la wan ban pyndem noh ia lade ha Nagaland hynrei u khlem pat wan poi ha Charaideo. Ia une la tip kyrteng kum u Jit Asom uba dei na Tinsukia,” ong u SP jong ka Charaideo u Surjeet Singh Panesar.
Na ka liang ii bor pahara ki la pynjur ïa ka jingkhynra pyrshah ïa ki lehnoh ha khappud Assam-Arunachal Pradesh-Nagaland hadien ba ki la ïoh jingtip na ki bor syntiat ba kin pynthut ne thombor ha shwa ka jingrakhe ia ka Independence Day.
Shuh shuh ki tyllong khubor ki la pynpaw ba ka kynhun jong ki lehnoh ULFA (I) dang shen ki la wan rung sha Assam bad Arunachal Pradesh da ki jingthmu kiba lah ban pynthut bad thombor ha ki jaka ba long kongsan, hynrei ka sorkar kala pynkhlain ia ka jingpahara ban ialeh pyrshah ia kino kino ki jingma kiba kum kine.
 ha ryngkat bad lai ngut ki dkhot kaba dei ka kynhun ba la shah niew beain bad shah khang khang kila leit ban pyndem noh ia lade sha ki bor ba dei khmih bad synshar ha Nagaland.){kind=link}