Kohima, K’lyngkot 28 :Haduh kumba laiphew-wei ngut ki shipai na ka tnat 25 Assam Rifles kiba don ha ki bynta jong ka Jaluki ha Nagaland la ong ba kila shah kem noh ha ka kynhun seng lehnoh ha ka 27 tarik mynta u bnai bad pyllait noh tang hadien katto katne por, ong ka tyllong khubor.
Ka tyllong khubor ka la ong ruh ba kine ki shipai ka Assam Rifles ki la shah kem noh ha ki dkhot jong ka kynhun ba kyrpang jong ka seng lehnoh NSCN(I-M) bad pynshong ia ki hapoh ki headquarter jong ki kumba lai kynta, kata hadien ba ki la wan rung sha ka ktem jong kane ka kynhun kieng atiar ha ka 27 tarik mynta u bnai ha ka por kumba 2:30 mynsngi.
Hadien, shibynta kum ka dak ka jingburom halor ka jingpynjari ia ka jingsangeh iasiat la pyllait noh ia baroh kine ki shipai kiba la shah kem ha ryngkat ka jingmaham kaba tyngeh ba kim dei shuh ban dang wan rung sha ki jaka puta ka jong ki.
