Dimapur, Jymmang 14 : Ka Naga People’s Movement for Human Rights (NPMH) kala kyrpad ia u Myntri Rangbah Duh ka Ri Narendra Modi ba un shimti ha kaban pyniaid hi noh ia ka jingiakren iasuk hapdeng ki kynhun kiengatiar ka Nagaland bad ka Sorkar India.
Kane ka sur kala mih naka jingialang ban pyntyllun shakhmat ia ka jingiakren iasuk ki Naga bala wan iashimbynta da ki Nongialam ki Adivasi na kylleng ki jaka ka Ri bad ki Kynhun na Madhya Pradesh, Rajasthan bad Maharashtra.
Kane ka jingialang kala shim ia artylli ki rai kaba ong “Ngi ngeit ba ka jingsahteng ka jingiakren iasuk naduh ba iasoi ia ka soskular ka lah ban ktah ia ka jingpyrshang ban pynneh ia ka jingsuk. Namar kata, ngi kyrpad ia u Myntri Rangbah Duh Narendra Modi ban shimti hi noh ha ka pyniaid ia ka jingkren ban lah pynsted ia ka jingshim rai”.
Ki Nongialam Adivasi kila ong ruh ba ka jingdonkam ha kane ka khep ka long ban tei ia ka jingiatreilang hapdeng ki kynhun riewlum bad ki Jaidbynriew bapher bapher kiba don hapoh ka Ri.
Ki Nongialam ba pawkhmat ki Adivasi ki kynthup ia u Myntri Khynnah ka Rural Development bad Steel Faggan Singh Kulaste, MYntri barim bad MLA ba mynta ka Madhyra Pradesh Omkar Singh Markam, Dr Hiralal Alawa, MLA ka Madhya Pradesh bad kiwei kiwei.
