Nagaland | Kyntu ka CNTC ban wanrah ia ka jingsuk bad jingiatylli ki Jaidbynriew ka Jylla

Kohima, Jylliew 15: Ka Central Nagaland Tribes Council (CNTC) kaba dei ka apex body kaba mih khmat ïa ki jaitbynriew Ao, Lotha, Sümi bad Rengma ha ka sngi Nyngkong ka la ban jur ïa ka jingdonkam ban don ka jingsuk, ka jingïatylli bad ka jingïatreilang na ka bynta ka roi ka par baroh kawei ha Nagaland ha ka jingïakynduh bad u Myntri khynnah jong ka sorkar pdeng u Kaito G. Aye.

Ka kynhun CNTC ka la iakynduh ia u Aye, u Minister for Roads and Bridges and Convenor jong ka Central Nagaland Legislative Forum, bad ki la iakren ia ki mat kiba iadei bad ka jylla bad ka bynta jong ki jaidbynriew ha kaba kyntiew ia ka jingiatylli bad ka jingkiew shaphrang.

Ka council ka la pynpaw ia ka jingdonkam ban iatreilang hapdeng ki bynta bapher bapher jong ka imlang sahlang ban kyntiew ia ka jingsuk, ban pynskhem ia ka jingiadei hapdeng ki jaitbynriew bad ban trei na ka bynta ka jingbha jingmiat jong ki paidbah ka Nagaland.

Ka CNTC ka la ïasam ruh ïa ka jingthmu jong ka ban pynkhlaiñ ïa ka jingïatreilang hapdeng ki jaidbynriew bad ban noh synñiang sha ka imlang sahlang kaba kham kynthup lang bad kaba kiew shaphrang ka imlang ka sahlang.

Haba jubab ïa ka kynhun, u Aye u la kyntu ïa ka council ban bteng ban shakri kum ka bor na ka bynta ka jingsuk bad ka jingïatylli ha ka imlang sahlang, katba ka dang ïakhun ïa ka hok bad ka jingangnud jong ki paidbah khlem da leh shiliang khmat.

U la ban jur ia ka jingdonkam ban don ka jingiakren ka ban tei, ka jingkitkhlieh lang bad ka jingburom markylliang ban weng ia ki jingeh kiba ka jylla ka iakynduh.

Haba pynpaw ïa ka jingshaniah ha ka bynta jong ka council, u myntri u la pynshlur ïa ka CNTC ba kan ïai bteng ban trei na ka bynta ka hongsuk shongsain bad ka jingiatylli na ka bynta ka jylla Nagaland.