Kohima, Naitung 16: Ka Kohima Village Council (KVC) ka la kyntait ia ki jingkynnoh ba ka shnong Kohima ka la pynpoi 30 tylli ki suloi AK-47 sha ki kaikhlaw Kuki, da kaba kdew ba katei ka jingkynnoh ka long kaba bakla, kaba khlem nongrim bad kaba khlem kano kano ka sakhi ne ka jingpynshisha.
Ka jingpynshai ka wan hadien ba la kynnoh ba u Rev. A. Puni Mao u la kam ha ka jingialang ha kawei ka Hotel ha Chümoukedima ha ka 25 tarik Jylliew ba ka Shnong Kohima ka la ai ia ki suloi sha ki kaikhlaw Kuki ban iakhun pyrshah ia ki Naga ha Manipur.
Ha ka jingpynbna ba la pynmih ha ka sngi Balang, ka KVC ka la ong ba katei ka jingkynnoh ka long kaba khia, kaba lah ban pynsniew ia ka nam jong ka shnong bad ban wanrah ia ka jingiapher hapdeng ki jaidbynriew Naga.
Hadien katei ka jingkynthoh, ka Council ka la khot ia u Rev. Mao sha ka jingialang ha Kohima Village Council Hall ha ka 9 tarik u Naitung, ha kaba la bthah ia u ban pynshisha ia ka jingdawa jong u ha khmat ki riew rangbah shnong, ki dkhot ka Council bad ki nongmih khmat jong ki seng bhalang.
Katkum ka KVC, u Rev. Mao u la kam ha ka jingialang ba u la kynnoh khlem da pyrkhat bha ne khlem da don ki sakhi kiba kyrshan. Ka Council ka la ong ba u la kubur ia ka jingbakla, u la pan map bad u la panmap paidbah na ka Shnong Kohima.
Ka kynhun shnong ka la ong ba hadien la pynbeit ia kane ka kam da ka jingiasuk hapdeng ki arliang mamla.
Ka KVC ka la ong ba ka la pynmih ia ka jingpynshai ban buh ia ki jingshisha ha ka rekod bad ban pynduh ia kaei kaba ka la batai kum ka jingkynnoh bym don nongrim kaba lah ban pynduh ia ka jingiatylli ha ka imlang sahlang bad ban pynsniew ia ka dur jong ka Shnong Kohima.
 ka la kyntait ia ki jingkynnoh ba ka shnong Kohima ka la pynpoi 30 tylli ki suloi AK-47 sha ki kaikhlaw Kuki, da kaba kdew ba katei ka jingkynnoh ka long kaba bakla, kaba khlem nongrim bad kaba khlem kano kano ka sakhi ne ka jingpynshisha.){kind=link}