Kohima, Lber 01 : Ka jingpynlong biang ia ka jingiathep vote ha ki sawtylli ki polling stations ka la iaid shakhmat mynta ka 1 tarik Lber 2023 ha Nagaland.
Ia kane ka jingiathep vote la pynlong biang hapoh New Colony S/W kaba hap hapoh Zunheboto assembly constituency, Pangri V hapoh Sanis constituency, ka Jaboka polling station kaba hap hapoh Tizit assembly constituency ba ha Pathso East Wing kaba hap hapoh Thonoknyu assembly constituency.
Ha Nagaland ka jingiathep vote la pynlong ha ki 2,291 tylli ki polling station.Haduh kumba 640 tylli ki polling booth ha Nagaland la pynhap ha ka thup kaba lah ban mih jingklumar bad 323 tylli ki ba kham don jingma shuh shuh.
Na ka liang u Chief Election Commissioner, u Rajiv Kumar u la ai ka jingiaroh ia ki paidbah nongthep vote kumjuh ia ki bor pyniaid ilekshon halor ka jinglah ban pynlong ia kane ka ilekshon kaba iaid beit iaid ryntih.Kan ym don shuh kano kano ka jingiathep vote ha ki 5,710 tylli kiwei pat ki polling station.
Ha ka jingmih bun jong ki paidbah nongthep vote bad ka jinglah ban pynlong ia ka ilekshon kaba iaid beit iaid ryntih Nagaland ka la long kaba jop.
Katkum ki heh pyniaid ilekshon la ong ba ia kane ka jingiathep vote la pynlong biang mynta ka sngi naduh ka por 7 baje mynstep bad kan bteng haduh ka por 4 baje janmiet.
