Shillong, Rymphang 28: Ka Meghalaya High Court hynne ka sngi Baar kla tian bishar iaka PIL kaba iadei bad ka jingtih bad jingkhaïï be-aiñ ia u Dewiong haka jylla. Ia katei ka PIL la ujor da u Champer M Sangma.
Ha katei ka hukum, ka Division Bench kala pynpaw ba ha hukum kaba la dep ban pynmih teng, kala pynpaw baka sorkar Meghalaya bad Assam kila dep ban aiti ia ki Affidavit ki jong ki.
U Nongmudui ula kam ba u Respondent No 14 udei u Khliehduh ba pyniaid beain ia katei ka kam.
U Nongmudui ula kdew ba u don ia ki sabut da ki kot ki sla ban pyni ba watla u don u dewiong uba nabar uba la wan rung shapoh ka jylla hynrei kumba 40,000 MT u dewiong ula mih na ka jylla Meghalaya.
U Nongmudui ula ong, ba katei kan ym jia lada dei ba kam don ka jingtih be-aiñ ia u dewiong bad ka don ruh ka rukom treikam ha kaban pyniaid ia u dewiong.
Kan ym don ruh kano kano ka jingartatien ba u Respondent No 14 un pynslem khnang ia ki kam ki jam.
Ka iingbishar kala bthah ia u Muktiar uba mihkhmat ia u Respondent No 14 ba udei ban phah iaka Affidavit kaba iadei bad katei ka jingmudui bad kumjuh ruh ha kaba iadei bad ka Affidavit kaba la aiti da ka sorkar jylla bad sorkar Assam hapoh shi taiew.
La buh tarik ban shong bishar biang ia kane ka mukotduma haka 13 tarik u Lber.
