spot_img

Nagaland | Iakynduh ka Sorkar Pdeng bad ki kynhun Naga ban pynbeit ia ki jingdawa ki paid Naga

Date:

Share post:

Kohima, Naitung 18: U ksiang na ka bynta ban kren iasuk ki Naga,u AK Mishra u la pynlong ka jingiakren bad ki nongialam ki seng sain pyrthei jong ki Naga ha Dimapur, Nagaland ha ka sngi Palei ban ia pynbeit noh ia ki jingdawa kiba sahteng la slem bha jong ki paid Naga.

Ki ar tylli ki kynhun jong ka Working Committee, Naga National Political Groups (NNPGs) ia kaba la ialam da u N. Kitovi Zhimomi bad kawei pat ka kynhun ba la ialam da u Neokpao Konyak and Alezo Venuh kila ia kynduh ia u Mishra, uba dei ruh u nongai buit jong ka Ministry of Home Affairs (MHA) na ka bynta ki kam jong ka thian shatei lam mihngi.

Shuh shuh la khmih lynti ruh ba u Mishra un sa pynlong ruh ia ka jingialang bad ka kynhun National Socialist Council of Nagaland (K) Niki group ha ka jingwan iuh kjat jong u.

U Zhimomi, uba dei u convenor jong ka Working Committee ka NNPGs, u la iathuh sha ki lad pathai khubor ba ka kynhun kala pynsngew biang ia ka jingdawa jong ki ban pynbeit kloi ha kaba iadei bad ka mat sain sain pyrthei jong ki Naga.

Ka sorkar pdeng ka la ïashim bynta ha ki jingïakren bad ka NSCN-IM lem bad kiwei kiwei ki kynhun Naga naduh ba la ïasoi ïa ka soskular sangeh ïasiat ha u snem 1997, bud sa ka jingïasoi ïa ka Framework Agreement kaba kongsan bha ha u snem 2015.

La pynlong ruh ïa ki jingïakren bad ka Working Committee jong ki NNPG—ka kynhun jongki hynniew tylli ki kynhun Naga—ha u snem 2017, kaba la pynkut noh da ka jingsoi ïa ka soskular ha u bnai Naiwieng mynta u snem.

Share post:

spot_img
spot_img

Popular

More like this
Related

Pynkup burom ka PGT ia ki samla ba pass bha ia ka eksam B.Ed 2025

Shillong Nailar 30: Ka College of Teacher Education (PGT)...

Rah ka Mawkriah West ia ka nam Lahduh ha ka SSA Third Division

Shillong, Nailar 31: Ka Mawkriah West kala rah ia...

Meghalaya HC extends use of alternative IDs without Aadhaar

Shillong, Aug 31: The Meghalaya High Court has directed...

Assam | Bei ka ADB ia ka ram ba $ 25 million ban kyntiew kyrdan ia ki jaka sor ha Assam

Guwahati, Nailar 31: Ka Asian Development Bank (ADB) ka...