Shillong, Iaiong 04: Ka Maharashtra Institute Technology University (MIT) ha Meghalaya kan sdang ban ai jinghikai ba pura hapoh ka Campus lajong lane (Permanent Campus) ha u bnai Jylliew 2024 ha Mawkasiang.
Ia kane la pyntip da Dr Debmalya Bhattacharya u Pro Vice Chancellor jong ka MIT ha Meghalaya Campus.
Haba kren sha ki lad pathai khubor, u Dr Debmalya ula ong ba ia kane ka skul bah ba shimet la pynkha katkum ka ain kaba la pdiang da ka ïing dorbar thawin ka Meghalaya ha snem 2011 bad ha u snem 2017 la pynkylla noh ia ka kyrteng sha ka Maharashtra Institute Technology University da ka ïing dorbar thawain ka jylla.
U Dr Debmalya ula iathuh ba ha u snem 2021, ka skulbah kala ioh ban thied 5 akar ka jaka ha Mawksiang ha ka kyrteng jong ka MIT Meghalaya lyngba ka jingiarap ka Sorkar Jylla, ki bor shnong bad ka tnad revenue, kiba kwah ban kyrshan ia ka skulbah ban ioh ia ka jaka ban tei iaki jingdonkam jong ka skulbah.
“Ka Skulbah kala pynlut palat T.100 klur ban tei ia iaki jingdonkam bad kane ka dei ka bynta kaba nyngkong bad ha ka bynta kaba ar yn sa shna ia ki jaka sah jong ki samla pule bad ka bynta kaba lai yn dang pynheh shuh shuh ia ki jaka pule” la ong u Dr Debmalya.
 ha Meghalaya kan sdang ban ai jinghikai ba pura hapoh ka Campus lajong lane (Permanent Campus) ha u bnai Jylliew 2024 ha Mawkasiang.){kind=link}