Naduh 15 tarikJylliew yn sdang ka Shillong Premier Leaque

Date:

Share post:

Shillong, June 9: Ka Shillong Sports Assciation (SSA) ha ka 9 tarik Jylliew kala pynbna ban pynsdang noh shen ia  ka Officer’s Choice Blue Shillong Premier Leaque 2021-2022 bad ha kane ka sngi kala pyllait paidbah ruh ia ka SPL Logo bad ka Trophy nalor ka jingpynithuh ia ki phra tylli ki kynhun ialehkai sha ki lad pathai khubor.

Ka SPL ka bym shym la lah ban pynlong ha u snem 2020 bad 2021 nama ka khlam Covid-19, kan sdang ha ka 15 tarik u Jylliew da ka jingialehkai hapdeng ka Nangkiew Irat SC pyrshah ia ka Mawlai SC.

Namar ka jingshna pynheh bad pynitynnad ia ka JN Stadium bad ka jingsiang thymmai ia ki phlang artificial ha madan First Ground, baroh ki jingialehkai jong ka first leg kan long ha madan ka Meghalaya Football Association (MFA), ThirdGround bad ka jingialehkai kan sdang naduh ka por 4 baje janmiet.

Ia ka trophy jong kane ka lympung ba 11 jong ka SPL la pyni paidbah ha ka sngi palei da u Lakshya Jit Borah, u Nongmihkhmat jong ka Officer Choice Bue kaba bei tyngka ia kane ka lympung ialehkai. La iadonlang ha kane ka sngi ki Nongkitkam ka SSA, ki Captain bad ki Coach jong ki phra tylli ki club nalor ki referee bad kiwei kiwei.

Ka Shillong Sports Assciation ha kane ka sngi kan sa pyni live ia ki jingialehkai lyngba ka T7 Channel ki ban rung ha man ki thliew iing ka Jylla. Ki paidbah ki lah ruh ban peit ia ki khubor shaphang ka lympung SPL lyngba facebook bad Instagram.

Ha kane ka sngi la iadonlang ruh ki rang ialehkai ka Jylla kiba la leit iashimbynta ha ki lympung ialehkai jong ka I-Leaque bad Indian Super Leaque ba kynthup ia u samla Aiban Dohling, Phrangki Buam, Shaiborlang Kharpran, Kynsailang Khongsit,Denzil Kharshandi bad Rupert Nongrum kiba la paw nam ha kane ka jingialehkai lyngba ka jingiashimbynta jong ki ha ka SPL. Nalor kine, u samla Halen Nongtdu bad Ricky John Shabong kiba ialehkai na ka Indian National Youth Team, kila iadon lang ha ka kane ka sngi.

U President ka SSA Bah Eugeneson Lyngdoh uba la ialehkai ha ka SPL kum u samla hashuwa ba un poi sha ki lympung kiba heh hapoh ka Ri ula ong “Ka jingpyni live ia ki jingialehkai SPL kan dei kaba nyngkong eh hapoh ka Jylla” bad bynrap “Ka phutbol kala kylla bad kan dang iai kylla, namar kata ka long kaba kongsan ia ka SSA ban iaid kat kum ka jingkylla”.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...