Shillong, Naiwieng 30: Ka International programme kaba saw sngi kynthih kaba kynthup ia ka APEDA buyer-seller meet, 1st Northeast India Organic Week bad ka 4th IFAOM World Organic Youth Summit (28 Naiwieng-1 Nohprah), la plie paidbah hynne ka sngi ha Marriott, Shillong.
Ia kane la pynlong da ka department of Agriculture & Farmers Welfare jong ka sorkar Meghalaya, ha ka jingiatrei lang bad ka MEGNOLIA, APEDA, IFOAM-Organic Asia bad la iarap da kaNERAMAC. Kane ka jingialang ka la wanrah lang ia ki nongthied nabar ri, ki nongwanrah mar rep, ki riew shemphang ha ki mar rep, bad ki kynhun samla na ki ri bapher bapher.
Ha kane ki don haduh 27 tylli ki ri na ka pyrthei kiba la wan ban ia shim bynta ha kane ka summit.
Ha kane ka sngi ba plie ia kane ka summit la wan ban ia don lang da ka Dr Saswati Bose, General Manager, ka Solani Verma Deputy Secretary, Jennifer Chang, Executive Director, IFOAM Asia, Mathew John u President, IFOAM Asia bad ka Priyanka Uday, Associate Director, CRISIL.
Ka ka summit ka long ban dang pynheh ia ka iew ha kaba iadei bad ka jingpyniaid iew ia ki marrep kiba khlem da pyndonkam dawai sboh ne ki organic product na ka thain Nort East India ban kyntiew ruh ia ki marrep.
Haba kren ha kane ka jingialang plie paidbah, u Abhishek Dev, Chairman ka APEDA, u la pynpaw ïa ka jingdonkam ban pynkhlain ïa ka jingïohi pyrthei ïa ki mar rep ba la shna na ka Northeast India.
U la ong, “Ka jingïalang kaba nyngkong eh jong ka Northeast India Organic Meet ka la pynïasoh lang ïa ki nongshim bynta na ki 27 tylli ki ri, kaba pyni ïa ka jingsngewtynnad kaba jur jong ka pyrthei ïa ka jinglah jong ki mar rep jong kane ka thaiñ.
, la plie paidbah hynne ka sngi ha Marriott, Shillong.){kind=link}