Shillong, Rymphang 05: Ka tnat Social Welfare ka Sorkar Jylla hynne ka sngi Nyngkong, kala shong jingialang ban iakren halor ki sienjam ban shim naka bynta ban thung Chairperson jong ka Meghalaya State Commission for Women (MSCW).
Haba pyntip halor kane u Myntri ka tnat Social Welfare u Bah Paul Lyngdoh ula iathuh ba nalor ki 4 tylli ki kyrteng bala ai jingmut daka Search Committee, ka tnat kala ioh pdiang biang sa 2 tylli ki kyrteng kiba kwah ban shah thung kum ka Chairperson ka MSCW.
U bah Paul ula iathuh ba ka tarik kaba khatduh ban pdiang iaki kyrteng kala kut namar kata ka tnat kan sa shim rai hapoh kane ka taiew.
Haba kylli, u Myntri ula ong “Ngi kwah ia ka jingtreikam kaba shai bad khnang ban ailad lut ia baroh, ngi ong ban gin iaid palat ia ka kyrteng bala phah da ka Search Committee..ta ka daw ngi la pynmih ia ka jingpynbna ba khot aplikeshon na ki briew kiba kwah ban shimti ia kane ka kam”.
.){kind=link}