Nagaon, Rymphang 01:Uwei u suba nongkhaii drok u la ngat ha ka jingmynsaw na ka jingshah ther kuli ha ki pulit ha Nagaon district ka Assam, ong u heh pulit ha kane ka sngi ba Ar ba la lah.
Ia une u briew la pynkit noh shapoh Nagaon Civil Hospital ha ryngkat ka jingmynsaw na ki bynta jong ka kjat.Katkum u heh pulit la ong ba une u suba nongkhaii drok u dei u ba la tip kyrteng kum u Sharif Uddin uba dei na Dokoba kaba ha Nhargaon jong ka district.
Ki pulit la ong ba ki la ther kuli ia une u suba nongkhaii drok hadien ba u la pyrshang ban phet krad.Ha kawei pat ka bynta ki pulit ki la ioh ban kem noh ia uwei pat u samla uba kyrteng u Sawjan namar ka jingdonkti ha ki kam khaii drok.
Kum ban shu pynkynmaw ki bor pulit ka Karimganj ki la ioh ban kurup haduh 88 kilo ki dawai kuli Yaba tablets na ki bynta jong ka Nischintapur kaba hapoh Karimganj district ha ka 17 tarik u Kyllalyngkot ba la dep.Kane ka jingioh kurup drok lehse ka dei ruh kaba heh tam hapoh Assam kat haduh mynta.
