Dibrugarh, Nohprah 13 :Laingut ki longkmie kila mynsaw jur hadien ba kila sahkut ha ka kor tylliat maw ha Dibrugarh district.Kane ka jingjia kala jia hapoh kawei ka par maw ha Namrup ha ka 11 tarik mynta u bnai.
Khyndiat por hadien jong katei ka jingjia la pynkynriah noh mardor ia kine ki longkmie shapoh Assam Medical College and Hospital na ka bynta ban ioh jingsumar.
Ia kine ki laingut ki longkmie kiba la don mynta hapdeng ka jingshah sumar la tip kyrteng kum ka Anita Harijan, Rasmita Tanti bad ka Sunita Tanti.Na ka liang ki bor pulit kila sdang ban pynlong ka jingtohkit halor kane ka jingjia.
Kham hashwa, kata ha ka 2 tarik mynta u bnai ki kynhun aijingiarap kila lapdien ia ka metiap kaba khatduh eh na ka jaka ba la jia ka jingtwa khyndew hapoh ka par maw ha Hnahthial, Mizoram ha ka 14 tarik u Naiwieng ba la dep.
Shwa kane ki kynhun aijingiarap kila ioh ban sei ia 11 tylli ki metiap na katei ka jaka ba la jia ka jingtwa khyndew.
Kane ka jingjia kala wan jia hadien ba kine ki nongtrei ki dang bunkam hapoh katei ka par maw hadien ba kane ka jingjia kala wan jia.
