Guwahati, K’lyngkot 27: Hynriew ngut ki briew ki la ngat ha ki jingmynsaw hadien ka jingiakynad kam jaka puta hapdeng ki ar kynhun hapoh Nagaon, Assam ha kane ka sngi Palei ba la lah.Kane ka jingjia ka la jia hapoh ka shnong Amtola hapoh Nagaon district.
Ki tyllong khubor ki iathuh ba kane ka jingjia ka la wan jia hadien ba ki arkynhun ki la poi sha ka jingiaktahkti markylliang halor ka kam jaka puta.Katkum ka khubor la ong ba ha kane ka jingjia hynriew ngut ki briew kaba kynthup ia ka kynthei ki la ngat ha ka jingmynsaw.
Kine ki briew kiba la ngat ha ki jingmynsaw ki dei kiba la tip kyrteng kum u Dulaluddin Hussain, Ambia Khatun, Manuwara Begum, Dildar Hussain, Jahanara Khatun bad u Anuwara Hussain.
Ia kine ki briew la pynkit noh mardor shapoh Nagaon Bhugeswari Phukanani Civil Hospital na ka bynta ban aijingsumar.Baroh ki ar kynhun ki la ujor FIR hapoh Haibor Gaon police station ha Nagaon.
“Kane ka jingiakynad ka la jia namar ka jaka kaba 720 sqft.Baroh ki tip ba ka don ka lynti surok hynre u Lal Mia bad ka kynhun jong u ki la kyntait ban ai ia kane ka jaka ia kaba la ai da ka Noor Hussain hapdeng kine ki arkynhun.U Lal Mia ula thombor da ka tari bad kiwei pat ki tiar pynmynsaw bad da ki dieng kaba la wanrah ka jingmynsaw ia ki hynriew ngut ki briew ki jong ngi,” ong u ulaluddin Hussain uwei na ki lanot uba la ngat ha ka jingmynsaw.
“Ngi la rejistar case halor ki jingujor da kine ki ar kynhun bad ka jingtohkit halor kane ka bynta ka la iaid shakhmat,” ong u heh pulit.
