Nongpoh, Naitung 20: Lai ngut ki briew kila mynsaw jur kynthup ia arngut ki Khunlung ha ka jingiatakhuh kali hapdeng kawei ka Maruti car 800 bad ka Maruti Grand Vitara hynne ka sngi palei ha Nongpoh.
Kane ka jingjia kala jia ha lad ban kiew sha ka Ophis u Deputy Commissioner ka Ri-Bhoi District bad la ong ba kane ka Maruti ka dei kaba don u nombor ML05-K-0723 bad ka Grand Vitara ka don u nombor ML10-E-2007.
Kat kum ka khubor, katei ka jingjia aksiden ka la jia ha ka por ba ka kali Maruti car kaba la niah da u Phillipson Khongjoh na Downgate, ka dang thmu ban jam sha shiliang ka surok NH-6 hynrei kala leit tynrah pynban ia ka Grand Vitara kaba dang wan iaid mar pyrshah.
Ha kane ka jingjia, arngut ki khyllung bad kawei ka longkmie kiba shong ha ka kali Grand Vitara ki la mynsaw jur bad la pynkit marmar sha Bethany Outreach Hospital ban ioh ia ka jingsumar.
Ki Pulit ka Nongpoh Traffic Branch kila register case halor kane ka jingjia bad ka jingtohkit mynta kala iaid shakhmat.
Pule ruh:Â Pyntip u Conrad ban sa iakynduh ia ki Nongialam ka ACHIK halor ka Winter Capital bad Roster System
