Shillong, Lber 02: Ki Shipai Border Security Force (BSF) kila pyntip ba ha ka miet jong ka sngi Thohdieng, 3 ngut ki BSF kila mynsaw na ka jingshah thombor ha ki runar kiba donkti ha ka kam khaïï be-aiñ sha ka ri Bangladesh, kaba la pynlong ia ki BSF ban siat ban beh ia kitei ki runar kiba na Ri India bad Bangladesh.
Katkum ka kyrwoh na ka BSF hynne ka sngi Saitjaiñ, kila pynpaw ba katba ki BSF ki dang pynlong ia ka jingkhynra ha khappud, kila sakhi ia ki runar kiba la rah ia ka shini bad u piat ban khaïï be-aiñ sha Bangladesh ia kaba la wan ban shim da bun ngut ki nong Bangladesh, kumta kila ialeh ban pynsangeh ia katei ka kam khaïï be-aiñ hynrei kitei ki runar kim shym la treh ban sangeh.
Kane ka jingjia kala nang heh ha kaba bun ngut ki runar kila wan ban ker kut ia ki BSF bad kila thombor da ki wait bad ki dieng ha ryngkat bad ka kawang maw, ki BSF watla kila ai ka jingmaham hynrei kine ki runar kila bteng ban thombor ha kaba 3 ngut ki BSF kila mynsaw bad uwei ula mynsaw jur na ka khmat bad lapynkit noh ia u sha Shillong ban ioh ia ka jingsumar.
Ki BSF kila pyntip, ba kilaiai bteng ban ai ka jingmaham hynrei kine ki runar kibala don bun ngut kim shym la sngap satia hynrie kila leit tur sha ki BSF bad pyrshang ruh ban knieh ia ki tiar siat jongki, kumta ki BSF kila siat shi kuli sha suiñ ban pynpra ia kine ki runar hynrei kim shym la kynran dien satia hynrei kila pyrshang ban thombor bad ki BSF kila siat biang ha kaba kitei ki runar kila phet krad noh.
Ki BSF kila iathuh ba kila ioh jingtip hadien ba uwei u nongkhaïï be-aiñ ula ïap ha katei ka jingjia bad uwei u nongkhaïï ka ri Bangladesh ula mynsaw.
Ki BSF kila pyntip ba halor katei ka jingjia, mynta ka dang don hapdeng ka jingtohkit bad ban shim ruh ia ki lad ki lynti kiba biang.
Kila iathuh ba katei ka thaiñ kadei kaba jur bha ka jingkhaïï be-aiñ ia ki masi, shini, piat, kyiad bad kiwei kiwei ki jingdih pynbuaid sha ri Bangladesh bad kane ka jingjur jong ka jingkhaïï be-aiñ kala ktah ruh iaka shongsuk shongsahngaiñ ha katei ka thaiñ khappud tang na ka bynta ka jingmyntoi jong ki riewshimet.
 kila pyntip ba ha ka miet jong ka sngi Thohdieng, 3 ngut ki BSF kila mynsaw na ka jingshah thombor ha ki runar kiba donkti ha ka kam khaïï be-aiñ sha ka ri Bangladesh, kaba la pynlong ia ki BSF ban siat ban beh ia kitei ki runar kiba na Ri India bad Bangladesh.){kind=link}