Shillong Nailur 18: Ka Tnat Pla Tyngka ka sorkar pdeng hynne ka sngi Nyngkong ka la mynjur ia ki sienjam kiba bun kiba iadei bad ka bha ka miat jong ki agent ka Life Insurance Corporation of India (LIC) bad ki nongtrei.
Kine ki sienjam ki iadei bad ki jingpynkylla ia ka LIC (Agents) Regulations, 2017, ka jingkyntiew ia u pud jong ka Gratuity bad ka Uniform Rate of Family Pension bad kiwei kiwei.
Ki sienjam ba la mynjur, ki kynthup ia ka jingkyntiew ia u pud jong ka Gratuity na ka T. 3 lak sha ka T. 5 lak na ka bynta ki agent LIC bad kane kan wanrah ka jingbha ha ka rukom treikam bad ki jingmyntoi ia ki agent LIC.
Ka jinglah ban thung biang ia ki agent kiba lah ban ioh ia ka renewal commission, ka ban wanrah ka jingshngain shuh shuh ia ki ha ki kam pisa. Ia Mynta, ki agent LIC kim lah ban pynthymmai ia ka commission halor kano kano ka jingpyndep ia ka kam hapoh ka agency barim.
La mynjur ban pyniar ia ka samoi jong ka Insurance na ka bynta ki agent na kaba rim kaba long T.3,000- T. 10,000 sha ka T. 25,000 – T. 1,50,000. Kane ka jingkyntiew ha ka samoi jong ka Insurance kan long ka jingmyntoi ia kivbahaiing jong ki agent ba la khlad noh, ka ban ai jingmyntoi shuh shuh ia ki.
Ka bai bam tymmen ka longiing ha ka dor kaba ryntih kaba @70% na ka bynta ka bha ka miat jong ki bahaiing jong ki nongtrei LIC.
Kila don palat 13 lak ki Agent bad palat 1 lak ngut ki nongtrei, kiba don ka bynta kaba kongsan ha ka jingkiew ka LIC bad ka jingkhlain ka jingdon ka Insurance ha India, kin ioh jingmyntoi na kitei ki sienjam.
