Shillong, Naiwieng 16 : Ka Sorkar Jylla ha ka sngi Palei, kala ai ka jingmynjur ban pyndonkam noh (adopt) da ki kot ka National Council of Educational Research and Training (NCERT) ha ki skulk a Jylla.
Ia kane ka rai la shim da ka jingialang jong ka Kynhun Myntri bala pyniaid da u Myntri Rangbah ka Jylla, uba la pyntip ba ia ki kot ka NCERT yn pyndonkam naduh ka klas 1 haduh klas 10 jong ka Meghalaya Board of School Education (MBoSE).
Haba iakren bad ki nongthoh khubor, u Myntri Rangbah ula ong ba ia kane ka rai la shim ha kaban pynthikna ba kino kino ki jingthoh halor ka Jylla kin long kat kum ka kolshor, ka history bad ka jinglong kyrpang, bad baroh kine kim dei ban shah ktah.
Nalor kane, u ong ba kan pynthikna ruh ba ka pule ka dangle ka long kaba iaryngkat kyrdan bad kiwei ki Jylla hapoh ka Ri bad kan plie lad ia ki samla ba kin lah ban iakhun (compete) ha ki National Level.
U Myntri Rangbah ula ong ruh ba ka jingshim ban pyndonkam ia ki kot NCERT ka long ruh kaba donkam namar ba bun ki kot ki dei kiba jrong. Ula ong ba kane kan ailad ha kaban pyndonkam ia ki kot kiba long thik tang kiba donkam bad kan kham pynproh jabieng ia ki Khynnah.
 da ki kot ka National Council of Educational Research and Training (NCERT) ha ki skulk a Jylla.){kind=link}