Shillong, Rymphang 05 : U Myntri Rangbah ka Jylla Conrad K Sangma ula pyntip ba ka Kynhun Myntri ka Sorkar, kala mynjur ia ki kyndon treikam na ka bynta ka Captain Williamson Sangma State University, ban pynbeit ryntih ia ka jingtreikam jongka.
Ki kyndon treikam kiba la mynjur ki kynthup ia ki bynta bapher bapher, kynthup ia ka academic calendar, ka adminission, ka fee structure, course structure, bad ka eksam na ka bynta ka post graduate.
“Ki don bun ki kyndon kiba don 11 baroh lang, kiba hap ban mynjur da ka Kynhun Myntri bad la mynjur ia ki mynta ka sngi” ong u Conrad haba iakren bad ki nongthoh khubor hadien ka jingialang, haba bynrap ba kane kan iarap ban pynbeit ryntih ia ka jingtreikam ka University.
