Shillong, Nohprah 09 : Ka Kynhun Myntri ka Sorkar Jylla ha ka sngi Nyngkong kala ai jingmynjur ia ka Operation and Maintenance Policy bad Manual na ka bynta ka Rural Water Supply System hapoh ka Jal Jeevan Mission (JJM) Scheme ha Meghalaya.
Haba kren sha ki lad pathai khubor hadien ka jingialang, u Myntri Rangbah Conrad K Sangma ula ong “Kumba phi iatip ba hapoh ka JJM, da ki hajar klur ki jingtrei la dep ban pyntrei ha kylleng ki jaka jong ka Jylla bad ka long kongsan ba ha ka jingiaid lynti bun bun snem, kane ka dei kaba hap ban sumar bha bad kumta kum ka jingdon kam bala buh da ka Sorkar India, baroh ki Jylla ki hap ban thaw ia ka Operation and Maintenance Policy bad Manual na kabynta ka Rural Water Supply Scheme hapoh ka JJM”.
“Ngi la dep pynkhreh ia kane bad hapoh jong ka, kin don 2-3 tylli ki bynta ha kaba ia ka jingsam um bad ka jing sumar ia ki top um kan dei kawei ka bynta bad ka jingsumar ia ki pipe ba pynpoi um sha ki shnong ki thaw kan dei kawei pat ka bynta” ula bynrap.
 Scheme ha Meghalaya.){kind=link}