Mynjur ka Sorkar ia ka Ordinance ban kyntiew ia ka Contingency Fund da T.1000 klur

Date:

Share post:

Shillong Kyllalyngkot 19: Ka Kynhun Myntri hynne ka sngi Thohdieng kala ai jingmynjur iaka Contingency Fund of Meghalaya (Amendment) Ordinance, 2024 na ka bynta ban kyntiew iaka Contingency fund sha ka T.1000 Klur.

Haba iakren bad ki nongthoh khubor hadien ba la wai kajingialang, u Myntri Rangbah ka jylla u Conrad K Sangma ula ong, “Kane kadei ka sienjam kaba shipor. Kumta ka Contingency Fund of Meghalaya (Amendment) Ordinance, 2024 ia kaba yn kyntiew iaka contingency fund na ka T.500 Klur sha ka T. 1000 Klur.”

Haba pynshai halor kane, u Myntri Rangbah ula ong, “Kila don katto katne ki kyndon ha ka Budgetary Provisions bad haba kila pynlut noh ia ka pisa kaba la mang bad katba ym pat mynjur ia ka Supplementary Demand hapoh ka iing dorbar thawain ka jylla ngim lah ban pyndonkam ia ka pisa wat lada ngi don ia ka pisa ruh. Kumta lada ym ioh ban ai jingmynjur ia ki Supplementary Demand hapoh ka iingdorbar lah ban pyndonkam ia ki kyndon jong ka Contingency Fund”.

“Kumta kane kadei tang ka kyndon ban kyntiew ia ka jingbhah tyngka naka T.500 klur sha ka T.1000 Klur namar ba ngi ju ioh shuh shuh ia ka pisa na ka Sorkar India bad ka jingioh ia ka bhah khajna bad kiwei kiwie ki bynta jong ka Fund na kasorkar pdeng kala kiew bad ngi don ha kata ka kyrdan ia kaba ngin ioh shuh shuh iaka pisa na ka bynta ki kam pynroi, hynrei ki kyndon ha ka Budgetary Provision kim pat long kiba biang ban pyndonkam ia katei ka pisa kumta ia kitei ki kyndon la hap ban pynkiew noh khnang ba ngin don ha kata ka kyrdan ban lah ban pyndonkam ia ka pisa kaban wan na ka sorkar pdeng” la pynkut u Conrad.

Share post:

spot_img

Popular

More like this
Related

Ai jingmut ka CAG ia ka Sorkar ban pynkynriah lut ia ki dukan tim najan ki jaka pule bad Iingmane

Shillong, Lber 15: Ka Comptroller & Auditor General (CAG)...

Lap ka CAG ia ka jingdie tuh ia ki nombor tim | Ai jingmut ban leh tyngeh ia ki Ophisat

Shillong, Lber 15: Ka Comptroller & Auditor General (CAG)...

Assam | Khynra ka ED ha Assam bad Mizoram ia ka jyrsieh airam thied kali

Guwahati, Lber 14: Ka Directorate of Enforcement (ED) ka...

Shillong Premier League | Mano ban long Champion ka SPL – Mawlai ne ka Shillong Lajong | Lashai ka rai

Shillong, Lber 14: Ki riewieid ia ka jingialehkai football...