Shillong Kyllalyngkot 19: Hadien 52 snem ba la ioh ia la ka jong ka jylla, ka Meghalaya kan sa pyllait paidbah noh shen ia ka State Anthem.
Ia katei la pynbna da u Myntri Rangbah ka jylla u Conrad K Sangma hynne ka sngi Thohdieng, “Nga dap da ka jingkmen ban pynbna sha baroh ba iaka State Anthem la dep ban ai jingmynjur da ka kynhun myntri mynta ka sngi”.
U Conrad Sangma ula pyntip ba ia katei ka State Anthem yn pyllait paidbah ha ka jingrakhe ia ka Meghalaya Day kaban pynlong ha ka sngi Saitjaiñ ha Tura.
“Ka long kaba sngewsarong bad kaba sngewkmen ia ngi namar ba kajylla kam shym la don ia ka State Anthem mynta lapalat 52 snem” ula ong.
“Nga ai khublei ia ka tnad Arts & Culture bad ia baroh ki riewshimet kiba la donbynta lang ha kaban thaw ia ka state anthem bad nga kwah ban ai khublei ia ki baroh khamtam ia ka jingtrei shitom ka jongki ha kaban pynwandur ia ki kyntien jong ka jingrwai bad ia ka sur jingrwai kaba la thaw da bun ngut ki briew kiba la donbyntalang” ong u Myntri Rangbah.
