Shillong, Rymphang 09: Ka Kynhun Myntri hynne ka sngi Thohdieng kala ai jingmynjur iaka Meghalaya Engineering Public Works Department Service Rules, 2024.
Haba iakren bad ki nongthoh khubor hadien bala wai ka jingialang, u Myntri Rangbah ka jylla u Conrad K Sangma ula ong, ha ka jaka ban pynkylla ia ki kyndon jong ka Meghalaya Engineering Public Works Department Service Rules, 1995 ka sorkar kala rai ban thaw beit noh da ka Rules kaba thymmai.
“Ngi la pynduh noh ia ka Rules kaba rim bad ngi la wanrah noh da ka Rules kaba thymmai.
Ngi la dei ban shu pynkylla ia ki kyndon hynrei kumba nga la ong, kila don bun palat ki jingpynkylla bad kan kham suk shibun da kaba thaw thymmai beit ia ki Rules. Kumta mynta ka sngi, ka kYnhunMyntri kala ai jingmynjur noh ia ka Meghalaya Engineering Public Works Department Service Rules, 2024” ong u Myntri Rangbah.
Ula pyntip ruh ba ka Kynhun Myntri kala ai jingmynjur iaka Bill kaba iadei abd ka Meghalaya Fiscal Responsibility and Budget Management Act, 2006 bad ia kane yn sa rah sha iing dorbar thawain kaban sa wan.
