Shillong, Nailar 24: Ka Kynhun Myntri jong ka Sorkar Jylla hynne ka sngi Balang kala mynjur ban pynkylla thymmai ia ki kyndon jong ka Meghalaya Education Research and Training Service Rules, 2012.
Hadien ka jingialang, u Myntri sorkar James K Sangma ula ong ba ka jingshakri jong ki Ophisar ne Lecturer jong ka Directorate of Educational Research & Training (DERT) bad ki Principal bad lecturers jong ka District Institute of Educational Training (DIETs) ki dei kiba la kynthup lang hapoh ka Meghalaya Education Research & Training Service Rules, 2012 ba kin kiew kyrdan ha ka jingshakri.
“Mynta ka sngi, ia kane la wanrah ha ka jingialang jong ka Kynhun Myntri ban wanrah ia ka jingkylli ha kaban ai kyrdan thymmai ia kine ki kam kum ki Lecturer sha ki Assistant Professor Grade-II, Senior Lecturer sha ki Assistant Professor Grade-I bad ki Selection Grade Lecturer sha ki Associate Professor”ula ong.
“Ia kane la wanrah namar ka kyntien Lecturer, senior lecturer, selection grade lecturer kim don shuh ha kiwei kiwei ki Jylla” ong u Myntri haba pyntip b aka Kynhun Myntri kala iakren ia kane bad mynjur ban pynkylla thymmai.
