Shillong, Nailar 11 : Ka Kynhun Myntri ka Sorkar Jylla ha ka sngi Thohdieng, kala mynjur ban pynkut noh ia ka Thermal Power Project ba 500 megawatt bala ai pyntrei sha ka North Eastern Electric Power Corporation Limited (NEEPCO).
Haba iakren bad ki lad pathai khubor hadien ka jingialang, u Myntri ka Tnad Bording AT Mondal ula ong ba ka NEEPCO kala kyrpad ban pynduh pyndam noh ia ka Memorandum of Understanding (MoU) bala iasoi bad ka Sorkar ban pyntrei ia ka Thermal Power Project ha Ri-Lum Garo, kaba la iasoi ha ka 17 tarik Lber, 2011.
Ula ong ba ka daw hi ka long ba mynta ka NEEPCO kala shah niew kum ka tyllong pynmih ia ka bording kaba khuid bad namar kata, kam kwah ban pynbteng bad kane ka project.
“Ngi la dep iakren bad u CMD ka NEEPCO, uba dei ruh u CMD ka NTPC” ong u Myntri haba pyntip “Ha ka jingiakren, kila kyrpad ban pyndam noh ia kane ka project bad kumta, ka Kynhun Myntri kala shimrai ban pyndap noh ia ka Thermal Power Project bala ai sha ka NEEPCO”.
Pule lang ia kane: Ot ribon ka Patharkhmah Civil Sub Division da ka marathon ban rakhe ID Day
Peit lang ia kane
.){kind=link}