Shillong, Naitung 08 : Ka kynhun Myntri ka Sorkar ha ka sngi Balang, kala ai jingmynjur ban pynkylla ia ka soskular aiwai ka ban plie lynti ia ka jingkyntiew ia ka Orchid Resort, Mawkasiang ha New Shilong sha ka kyrdan 5-Star.
Hadien ba dep pyniaid ia ka jingialang, u Myntri Rangbah Conrad K Sangma ula ong ba kane ka jingtyrwa kala wan hadien ka jingkyrpad na ki nongshimwai ba mynta ba kin kynshew shuh shuh bad nang pynheh ia kane ka nongkynti.
U iathuh ba kine ki nongpyniaid shimet kila pynpaw ia ka jingkwah ban pynkylla ia ka resort sha ka kyrdan 5-star.
Ban pynsted ia ka jingkyntiew kyrdan, ka Kynhun Myntri kala pynthymmai ia ki kyndon jong ka soskular aiwai kaba iasyr iem bad kito kiba la ai sha ki 5-star hotel kiba don ha Jylla.
Kat kum ki kyndon bala pynthymmai, ki nongtei kin hap ban kynshew shisien kynshewia ka pisa bad ban iasam ia ka jing ioh kamai bad ka Sorkar Jylla.
“Kin hap ban kynshew ia ka pisa ba T.5 klur bad ruh ka 4% ka jingioh kamai ha ka shisnem ba dei ban ai sha ka Sorkar Meghalaya, sha ka MTDC” ula ong.
U Conrad ula bynrap ba ia ka jingai jingmynjur ba khatduh ban kyntiew kyrdan 5-star yn sa ai shisien ba kila pdiang ia kine ki kyndon ba thymmai.
