Shillong, Rymphang 20: U Symbud Myntri Rangbah ka jylla ba khmih ia ka kam pohiing Bah Prestone Tynsong hynne ka sngi Ba-ar ula pyntip hapoh ka Iing dorbar ba ka sorkar kala dep mynjur ban noh noh ia ka Rajabala Fire and Emergency Service Station ha West Garo Hills District lyngba ka Notification kaba la pynmih ha ka 8 tarik u Rymphang.
Kane ka sienjam kaba la shim ka long kaba kongsan ban pynduna ia kino kino ki jingjia pluh ding bad kan pynpoi kloi ia ki kali pynlip ding ha ki jaka ba pluh, ong u Bah Tynsong haba jubab hapoh ka iing dorbar.
Ula iathuh ba ki haduh 8 tylli ki jingjia pluh ding na Gomaijhora shaduh Rajabala ha u snem 2020-21, 2021-22 bad 2022-23.
Ki kali pynlip ding kim shim la lah ban poi kloi ha ki jaka kiba pluh namar ka jingioh slem ia ki jingtip bad ka jingjngai jong ka jaka kaba don ka jingpluh na ka jaka kaba don ki kali pynlip ding.
U Bah Tynsong ula ong, ba kala don arsien ka jingiakynad hapdeng ki paidbah bad ki pulit ha kine ki 3-4 snem kiba la leit tang namar ka jingpoi slem ki kali pynlip ding ha ki jaka ba don ka jingpluh bad kine ki jingiakynad kila jia ha Bhaitbari Bazar ha ka 25 tarik u Kyllalyngkot 2020 bad ha Rajabala Bazar ha ka 7 tarik u Iaiong 2023.
