Itanagar, Rymphang 19: Ka sorkar Arunachal Pradesh ka la mynjur ia kiba bun napdeng ki 13 tylli ki mat ba la dawa kham hashwa da ka seng PAJSC bad ka ANSU.
Hadien phra kynta jong ka jingiamir jingmut kaba jur hapdeng ki nongmihkhmat sorkar bad
Na ka liang ka Pan Arunachal Joint Steering Committee (PAJSC), ANSU, ba la mihkhmat da u Nari Shakti bad u nongtrei kam bhalang u Sol Dodum na ka liang ka sorkar ka la mynjur ia kiba bun na ki jingdawa ki jong ki.
U Myntri rangbah (CM) ka jylla u Pema Khandu, u Myntri kam pohiing u Bamang Felix bad u myntri ba dei khmih ia ka that WRD u Mama Natung ha ryngkat ki heh sorkar kila ia don laang ha katei ka jingialang.
Na ka liang ka sorkar ka la pyntip sha u chairman, secretary bad ki dkhot jong ka APPSC naduh u snem 2014 haduh 2022 bad sha kiwei pat ki heh sorkar / ki riewshimet kiba la don lypa ha ka thup jong ka jingshah tohkit ba yn shim ia ka jingpynshitom da ka tnat tohkit ka CBI.
Nalor kata ka sorkar ka la mynjur ruh ban ainingmut na ka bynta ban thaw ia ka Standing Grievance Redressal Committee bad ia ki institutional mechanism ki ban khmih bad pynsngap halor ki jingeh jong ki samla wad kam kumjuh ki samla kiba angnud ha ka liang ka ioh kam ioh kam.
Shuh shuh ka sorkar ka la pynbna ruh ia u Gyamar Padang uba dei u nongsei madan ba nyngkong eh halor ki jingtreikam ba dkoh jong ka tnat APPSC halor ka jingnoh synniang ka jong u.
