Shillong, Nohprah 22: Ka Khasi Hills Autonomous District Council (KHADC) hynne ka sngi Thohdieng, kala mynjur ia ka KHAD (Khasi Social Custom of Lineage (Amendment) Bill, 2023, kaba buh kyndon ba ki Dorbar Kur lane ki Seng Kur kin hap register ialade bad ka Council bad ruh ban pynrung lang noh ia ka ‘Ring Bia lane Shaw Bhoi”.
Haba wanrah ia ka Amendment Motion ha ka sngi kut jong ka Dorbar Tlang, u Nongialam ka Liang Pyrshah Bah Titosstarwell Chyne ula ong ba kane ka Amendment Bill ka khlem kren eiei halor ka kam ba kumno ka Council kan leh lada don ar kynhun ha ki Dorbar Kur kiba dei na kajuh ka kut ka jait.
“Nga don ia ki jingtip ba ki don katto katne ki kur ki jait kiba don arkynhun. Ym tang katta, ka rukom pyniaid kur jong ngi ka long kaba pher bha namar ki don katto katne ki kur/jait kiba jied ia ki Rangbah Kur kiba dei na ka kur/jait jong ki” ong u Bah Titos.
Une u CEM barim ula ai jingmut ruh ba kan bha eh lada lah ban pyndonkam noh da ka kyntien “Recorder’ ha ka jaka jong ka Registration ha kane ka Amendment.
Ha kajuh ka por, une u Nongialam ka Liang Pyrshah ula ong b aula iakren bad ki katto katne ki Seng Kur bad kine kila pynpaw ia ka jingbym sngew iahap namar ba ki hap ban register ialade kum ki kynhun seng.
Haba ban jur ia ka jingdonkam ban don ka kynhun ka ban kren halor ka jingiashongkha khleh, u Bah Titos ula ong “Ngi dei ka Jaidbynriew bar it paid bad ngi donkam ia ka kyrdon namar ka don ka jingma kaba khra lada ki briew ba nabar ki wan shongkha ia ki Thei Khasi. Ka jingsngewkhia jong nga ka long ba kumno ban iada iala ka jong ka snap kyrpang haba ngi la ioh ba kumno ka khaii ka pateng kala shah knieh noh ha kiwei bad ngi lah nang duh ia ka khyndew ka shyiap”.
Haba jubab, u DyCEM Bah PN Syiem ula pynksan ia ka Bill da kaba ong ba ka kyntien Registration ka kham bha namar ka dei ka Act bad ka kyntien Record ka kham tlot haba nujor bad ka Registrar.
U Bah PN Syiem ula pyntip ba ka Council kala dep thaw ia ka Tribunal ka ban shim ia ka jingkitkhlieh ha kaban khmih ia ka kam lada don ka jingiapait iapra hapdeng kajuh ka kur ka jait.
 hynne ka sngi Thohdieng, kala mynjur ia ka KHAD (Khasi Social Custom of Lineage (Amendment) Bill, 2023, kaba buh kyndon ba ki Dorbar Kur lane ki Seng Kur kin hap register ialade bad ka Council bad ruh ban pynrung lang noh ia ka ‘Ring Bia lane Shaw Bhoi”.){kind=link}