Nongstoiñ, Risaw 13: Ki Nongkhaïi marrep na Rimuliang ryngkat ka HYC Rimuliang circle, ha ka sngi nyngkong ki la leit pynkynmaw biang ia ka Hima Jyrngam Sirdarship, ba kan bthah ïa ki nongïalam shnong ba kin nym ai lad ïa ki bar jylla ban wan khaïi bad rung thliew ïing briew, ban wan lum ïa ki mar ki mata ha ki dong ki shnong khlem ki kot ki sla kiba biang.
Ki nongïalam ki la ïoh ban ïa tai ïa khir bad ki bor hima, bad la iathuh ba ka hima ka la pdiang ïa ka shithi bad ai ïa ka jingmynjur ban pyrrhing ïa ka jingwan rung ki nongkhaïi kiba nabar jong ka jylla.
Nalor kane, kila pynsngew ruh ïa ka jingjur jong ka kam tuh motor bike, ki tiar ki tar kiba kordor dang ha kine ki sngi khlem ha ka thain. Kane ka la nang pyntharai sniew ïa ka jingdonkti ki bar jylla kiba ju wan rung man ka por.
U Bah B.K bani uwei na ki nongïalam ula kyrpad jur ruh ïa ki paitbah ba kin ai ka jingïatreilang, khamtam na ki bor shnong khnang ba kan ym buh jingeh ïa ka khaïi pateng jong ki trai shnong.
