Nongstoiñ, Risaw 13: Ka Synjuk ki Nongsynshar Shnong ka Jyrngam Sirdarship (SNSIS) ka dawa ia ka Sorkar Jylla ba kan trei pynheh noh ia ka surok Langja-Athiabari, ban pynsuk ia ki paidbah ha ka kit ka bah bad ka leit ka wan.
U President ka Synjuk Bah K.Mawlieh bad Secretary Bah B Nonglang, ki pyntip ia kane ka surok ba 16 Km lah dep ban siang rong haduh Athiabari.
Hynrei ki ong ba da ka jingiaid ka por, ki kali kila nang bun katba ka surok pat ka long kaba rit, kaba la buh ha ka jingeh ia ki paidbah nongleit nongwan khamtam ia ki kali kiba kit jingkit manla ka sngi.
“Ka thain ka dei kaba pynmih bun eh u sying, synshar bad kiwei ki marrep. Ki kali ki ju kit ia kine ki mar sha Nongstoin wat sha Shillong. Ki nongrep kwai, kait bad sying ki ju leit kit ruh ia ki mar sha Hahim bad Boko, Assam. Kumta la donkam ban pynheh noh ia ka” kila ong.
Ki ong ba ka jingrit bad jingkyllain ka surok ka buh ha ka jingeh ia ki kali kit mar khamtam ha ka por lyiur namar ka jingjur ka jingdheng kali haba don ki kali ba duh ne sniew shiteng lynti bad kumjuh ruh ka jingwanrah ia ki jingjia aksiden kali ha shilynter ka surok.
 ka dawa ia ka Sorkar Jylla ba kan trei pynheh noh ia ka surok Langja-Athiabari, ban pynsuk ia ki paidbah ha ka kit ka bah bad ka leit ka wan.){kind=link}