Mynjur ka GHADC ban siew tulop ia ki Nongtrei kat kum ka 5th Pay Commission

Date:

Share post:

Seisoh ka jingiakhih ki Nongtrei ka GHADC, ong u MDC

Shillong, Nailur 19 : Ka Executive Committee (EC) ka Garo Hills Autonomous District Council (GHADC) kala mynjur ban siew tulop ia ki nongtrei ka council kat kum ki jingai jingmut jong ka 5th Pay Commission.

Ia kane la pyntip da u MDC ka BJP na Tura Bernard N Marak uba la ong ba khatduh, ka jingiakhih jong ki nong trei ka GHADC kala seisoh.

Ula ong ba ka Council ka hap ban mynjur ia ka jingshisha ba ka jingpynbna bala pynmih da ka EC barim jong ka NPP bad ka EC ba mynta, kila mynjur ban pyntreikam haba shim ia baroh ki jingkitkhlieh.

“Nga pynpaw ia ka jingsngewnguh ia u CEM bad ka kynhun ka EC ba shim ia kane ka sienjam. Ka dei ka kam ram jong baroh ki MDC ban peit ia ka bha ka miat jong ka council bad ki nongtrei. Da ka jingtreikam ka 5th Pay Commission, kan dei ka kam kaba radbah ia ka GHADC hynrei da ka jingiatreilang yn lah ban weng ia baroh ki jingeh” ong u Bernard.

“Kumta, ka NPP marwei kan ym lah ban weng ia ki jingeh ba mad da ka GHADC, ka BJP ka dei kaba synshar ha ka Sorkar Pdeng. Nalor kata, ka soskular bala iateh bad ki kynhun ANVC ka long ban pynkhlain ia ki ADC hapoh ka Jylla” ula bynrap.

Share post:

spot_img

Popular

More like this
Related

Pynbna ka NEHUSU da ka jingpynsangeh shong klas ba khlem pud ba wanrah Pulit ha Campus

Shillong, Iaiong 28 : Ka North Eastern Hill University...

Pan por ka Sorkar shibnai ban maramot ia ka jingkieng Mawlyndep

Shillong, Iaiong 28: U President ka Meghalaya Commercial Truck...

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...