Shillong, Nailur 19: Ka Ri-Bhoi District Sports Association kala iakhun pyrshah iaka Shillong Sports Association ha ka U-14 bad U-16 jong ka Meghalaya Youth League 2024 ha Umdihar Mini Stadium ha ka sngi Balang.
Ia kitei ki jingiakhun la dei ban pynlong ha u bnai bala dep hynrei la hap ban pynkynriah noh.
Ha ka jingiakhun ia ka U-14 u Manjusna Kyrsian ula thep ia ka kol naka bynta ka SSA ha ka minit kaba 21 hynrei haka minit kaba 70 u Meland Mawiong ula thep ia ka kol na ka bynta ka RBDSA ban pyniakhaid ia katei ka jingiakhun.
Hadien kane, ka SSA kala tam da 2-1 hynrei namar ka jingther u lapbah bad namar ka jingbym long ban bteng iaka jingialehkai kumta la pynsangeh noh ia katei ka jingiakhun ha kaba kitei ki ar tylli ki kynhun kila iasam noh mar shi point.
Kumba long haka Zone C, ka Ri-Bhoi ka dei ka kynhun kaba wan ha ka kyrdan kaba nyngkong katba ka SSA kala wan baar.
