Nongstoin, Jylliew 16: Ka Khasi Students Union-Mawshynrut Circle, kala leit ban ujor sha u Regional Manager Region-III jong ka Meghalaya Rural Bank (MRB) halor ka jingsuba jur ba ka don ka jyrsieh ba shyrkhei ha ka Bank MRB na ka jingleh Life Insurance.
Ka KSU-Mawshynrut hapoh ka jingialam u General Secretary Ulysis Ryntong, kala kynnoh ba ki paidbah kila shah ot jubor ia ka pisa ba kynshew ha ka Bank, ha ka kyrteng jong ka Life Insurance.
Haba iakren bad ki Nongthoh khubor, une u Nongialam ka KSU u pyntip ba ka seng hadien ba ioh jingtip ia kane ka jingshah ot pisa ki paidbah ha ka Bank, kala leit ban kynduh ia ki Branch Manager ha Mawshynrut Civil Division ba kin tuklar ia kane ka kam. Hynrei la ong ba namar ka jingbym seisoh, ka seng kala wan ujor syndon sha u Regional Manager ba un leh ia kaba donkam.
Une u Nongialam ka KSU ula pyntip ba ha kane ka jingiakynduh, u Reginal Manager ula kubur ba ka don shisha ka jingot ia ka pisa na ki paidbah ba wan kynshew pisa ha Meghalaya Rural Bank khlem ka jingtip ki trai. Hynrei ula pynthikna b aka Bank kasa pynphai biang ia kane ka pisa baroh sha kine ki nongkynshew pisa.
U Ulysis ula kyntu ia ki paidbah ba kin hap ban husiar bha na kum kine ki kam jyrsieh khnang ba ki lait na ki jingduhnong. Ula ong ruh ba ka Seng kan ai por tang shibnai ia kane ka bank ba kan pynphai noh ia ka pisa bala ot jong ki nongkynshew pisa baroh.
Pule lang ia kane: Mudui ka KSU sha u Regional Manager ka MRB ba suba don jyrsieh Life Insurance
 halor ka jingsuba jur ba ka don ka jyrsieh ba shyrkhei ha ka Bank MRB na ka jingleh Life Insurance.){kind=link}