Shillong Nohprah 24: Ka Khasi Student Union (KSU) Employment and Monitoring Cell, kala iakynduh ia u Dean jong ka College of Post Graduate Agricultural Center halor ka jingpynkynriah iaka jaka thoh eksamin ne Examination Center na CAU, Umiam Meghalaya sha Guwahati.
Kane ka jingthoh eksamin naka bynta ka kam Lower Division Clerk (LDC), Upper Division Clerk (UDC) bad Field Cum Laboratory Assistant (FCLA) kan long ha ka 3-4 tarik u Kyllalyngkot 2025.
Ka Employment & Monitoring Cell jong ka KSU North Khasi Hills District hapoh ka jingialam u samla Banjop Maring kala iakynduh ia u Dean jongka CPGAS ban pan jingpynshai halor kaei ka daw ba ka CPGAS kaba don ia ka ophis treikam ka jongka ha Meghalaya, kala shah pynbor ban buh ia ka jaka thoh eksamin shabar jong ka jylla.
Ka KSU kala pynpaw ruh ba kam lah ban sngewthuh ba kumno ki kyrtong na kiwei pat ki jylla ki lah ban ialeh ia katei ka eksamin ha ki jylla ki jongki, katba ki samla pule ka Meghalaya ki hap ban mih noh na la jylla ban leit ialeh ia ki eksamin bapher bapher.
Ka KSU kam lah ban pdiang ia kane namar ba ha kaba nyngkong la pynbna ia ka jaka thoh eksamin yn pynlong ha ka College of Veterinary & Animal Sciences, Tura, Meghalaya, Aizawl, Mizoram, College of Agricultural Engineering & Post-Harvest Technology, Ranipool, Sikkim, College hynrei mynta pat la pynkynriah noh sha Guwahati.
Ka seng kala dawa ba dei ban pynbeit noh mardor ia kane ka kam na ka bynta ka bha ka miat jong ki samla wadkam ka jylla Meghalaya.
Ka KSU kala byrngem tyngeh ia u Dean bym dei ban pynkynriah satia ia ka jaka thoh eksamin sha Guwahati namar kan ktah jur ia kiba bun ngut ki samla pule kiba na ki longiing kiba duk ban leit ialeh ia katei ka eksam ban iohkam iohjam.
, Upper Division Clerk (UDC) bad Field Cum Laboratory Assistant (FCLA) kan long ha ka 3-4 tarik u Kyllalyngkot 2025.){kind=link}