Nongpoh, Lber 03: Ka Hynniewtrep Youth Council (HYC) Ri-Bhoi District, kala leit mudui sha u Deputy Commissioner ka Ri-Bhoi halor ka jingkynnoh lum khajna being jong ki bor na Assam ia ki paidbah ka thain Raid Nongtung.
Ka HYC kala leit iakynduh ia u Deputy Commissioner bad dawa ba dei ban tohkit bad shimkhia ia kane ka kam bymman kaba lah buh ha ka jingeh kaba khraw ia ki paidbah kiba shong ba sah ha ki Shnong khappud ka Meghalaya bad Assam.
Ka HYC Ri-Bhoi ba la lamkhmat da u President Bah Hercules Suting kila buh da ka jingujor hakhmat u Bah Raja Brahma u ba dei u Additional Deputy Commissioner u ba dei ruh u Border Magistrate.
U Bah Hercules u la pynpaw ia ka jingsngewkhia kaba jur halor ki jingeh ba la hap ban mad da ki paidbah ba shong basah ha ki thaiñ khappud hapoh ka Raid Nongtung tang namar ka jingshah leh donbor ha ki briew jong ka Assam na ka por sha ka por khamtam ruh ka jingkhrong khajna beaiñ da ki briew ka Assam kaba la ktah jur ia ki paid nongrep katei ka thaiñ.
U la iathuh ruh, ba ka seng ka la ioh ia ka jingujor halor ka jingdon jong ka khyrdop khrong khajna beaiñ jong ka Assam hapoh ka shnong Lumsohphoh kaba hap hapoh ka Raid Nongtung ba la pyndonkam jubor da ki briew ka Assam napoh ka West Karbi Anglong, kaba la ktah jur ia ki nongrep kiba ju im jakpoh da ka kam rep.
Ka seng ka pynpaw ia ka jingsngewkhia kaba jur namar ba wat hapdeng ka jinghiar dor jong ki mar rep, ki nongrep ka thaiñ Raid Nongtung ki la hap ban siew pat sa ia ka khajna sha ki briew ka Assam.
 Ri-Bhoi District, kala leit mudui sha u Deputy Commissioner ka Ri-Bhoi halor ka jingkynnoh lum khajna being jong ki bor na Assam ia ki paidbah ka thain Raid Nongtung.){kind=link}