Guwahati, Lber 18 : Ka Assam Pradesh Congress Committee (APCC) bad ka Trinamool Congress (TMC) ha ka sngi U Blei, kala ujor sha ka Election Commission of India (ECI) ba kynnoh pynkhein ia ka Bharatiya Janata Party (BJP) ia ka Model Code of Conduct.
Kine ki artylli ki Party kila phah da ka shithi ujor sha u Chief Election Commissioner of India ba kynnoh ba ka BJP kam pat weng satia ia ki jingpynbna paidbah (Advertisement), ki signboard jong u Myntri Rangbah Duh ka Ri bad u Myntri Rangbah ka Assam ha Assam.
Ka Model Code of Conduct kala sdang treikam naduh ka 16 tarik Lber hadien ka jingpynbna jong ka ECI ia ka elekshon Lok Sabha hynrei ka Sorkar Assam haduh mynta kam pat weng satia ia ki jingpynbna paidbah bala pynieng ha kylleng ki jaka, kynnoh u Heh duh ka APCC Bhupen Borah ha ka shithi sha u Rajiv Kumar, CEC.
Ula ong ba kane ka jingleh jong ka BJP ka dei ka jingpynkhein ia ka Model Code of Conduct.
U Ripun Borah, President ka Trinamool Congress ruh ula ong “Hadien ba ka MCC kala treikam, ki dang don shibun bah ki hoarding ha kylleng ki jaka jong ka Jylla kiba don ia ki jingpynbna skhim jong ka Sorkar ha ryngkat ki dur jong u Myntri Rangbah Duh bad u Myntri Rangbah ka Assam.
, ki signboard jong u Myntri Rangbah Duh ka Ri bad u Myntri Rangbah ka Assam ha Assam.){kind=link}