Shillong, Jymmang 04 : Ka kynhun ialekai ka Balmanduri FC , ka la pynliem da 7-1 pyrshah ia ka Attong Matgrik FC, ha ka jingiakhun ka Group G jong ka lympung 5th Meghalaya State League ba la long ha Williamnagar hynne ka sngi Nyngkong.
Ha kawei pat ka jingiakhun jong ka Group E, ba long ha Wahiajer, ka Iatyllilang Lumsehkot CSC ka la ioh ba kan khur ia ka nam jop kaba nyngkong jong ka da ka jinglah ban pynliem da 2-1 ia ka Lumphyrnai Sohphoh FC.
Haba phai sha ka jingiakhun kaba la long mynta ka sngi, ia kine ki kol ka Balmanduri la thep ia ki da u Today Chichang M Momin (20′, 27′, 50′, 87′), u Ltchal Marak (36′, 66′) bad u Withnias G Momin (90′), katba ia ka shi kol ka Withnias G Momin (90′), la thep ia ka da u Sunil M Marak (58′).
Ha ka jingiakhun ha Wahiajer pat, ki kol lyngba u Leiwanki Laban (9′) bad u Firstborn Tyngkan (22′), ka la biang pura ia ka kynhun ialehkai jong ka Iatyllilang Lumsehkot ba kan jop da 2-1, ha kaba ia ka shi kol ka Lumphyrnai Sohphoh la thep ia ka da u Sonowel Kharsati (79′).
Lashai pat ka sngi ki jingiakhun ki long
Group A (Shillong SSA Stadium) – Umkaber SCC vs Mawshun SCC
Group B (Shillong MFA Ground) – Mawphu SC vs Mawlum Tyrsad SCC
Group C (Amlarem) – Lamin XI SCC vs Laskein SCSC
Group D (Khliehriat) – Ladthadlaboh SC vs Thangskai Tiger SC
Group E (Wahiajer) – Shillong Lajong FC vs Lamyrsiang SCC
Group F (Mairang) – Lawbah SC vs Umlakro SC
Group G (Williamnagar) – Janepih YSCA vs A’chik SCO Rongjeng
Group H (Mawkyrwat) – SS Umdang Pyllun vs Mawlarshong SC
