Shillong, Iaiong 30 : Ka Nongkseh SSCC bad Khimusniang SC kila ioh bat ia ka jaka ha ka pre-quarterfinal jong ka lympung 5th Meghalaya State League da kaba pynliem ia ki kynhun pyrshah ha ka Group A ha madan SSA stadium hynne ka sngi Palei.
Ka Nongkseh kala pynliem ia ka Umkaber SCC da ka jinglah thep kol haduh 16-0 kol, katba ka Khimmusniang kala pynliem ia ka Mawshun SCC da 3-1 kol. Kiwei pat ki jingiakhun ha kane ka sngi, ka Group C, ka skahi ia ka Maram FC kaba pynliem ia ak Balmanduri da 5-1 kol ha Williamnagar.
Watla um dei shuh u rang ialehkai ba dang khynnah, u samla Kitboklang Pale ula pyni ba u dang don ia ka sap ban pyni ia ka jingtbit ha madan da ka jinglah ban thep haduh 6 kol ban pynjop ia ka Nongkseh.
U samla Kitbok ula ioh thep ia kine ki kol ha ka minit ba 32, 35, 39, 54, 75 bad ha ka 82 minit.
Nalor jong u, u samla Shano Tariang ula ioh ia ka hattrick da ka jingthep lai kol kiba la wan ha ka minit ba 69,89 bad 90+2 minit lem bad u Chesterpaul Lyngdoh uba la ioh thep lai kol ha ka minot ba 33, 52 bad 79-kaba dei ruh ka hattrick ba lai jong u Chester ha ki san tylli ki jingiakhun.
U samla Hardy Cliff Nongbri ula ioh thep ar kol (66′, 90′) bad Pynbhalang Suting-kawei ka kol (76′) nalor ka kol thep hi da ka Umkaber ha ka minit ba 10- ka jingioh thep kol kaba bun eh ha ka histori jong ka lympung MSL.
Shuwa kane, ka Khimmusniang kala hap ban iakhun dohiap da ka jingiakhun tyngeh ka Mawshin. U samla Meroily Lytan ula ioh thep ia ka kol ba nyngkong ha ka minit ba 10 hynrei u Restorewell Marbabiang jong ka Mawshun, ula ioh ban pynphai ha ka minit ba 72. Kane ka jingiakhaid kala neh tang lai minit da ka jingioh thep kol u samla Civility Khongmalai ha ka 75 minit shuwa ban ioh pat sa kawei ka kol ha ka 78 minit.
Da ka jingioh khur 15 bad 12 point, ka Nongkseh bad ka Khimmusniang kila thikna ban pyndep ha ka top 2 jong ka Group A, watla ia ka jingwan nyngkong bad ba-ar kan shong haka jingiakhun biang para ma ki, ka ban long ha ka 6 tarik Jymmang.
Katba ha ka jingiakhun ha Williamnagar, u Bris Taro u dei u rang ialehkai ba khatduh ban ioh hattrick da ka jingioh thep lai kol ha ka minit ba 63,73 bad 83 katba u Tremanchwal ChM arak bad u Easter Salchang CH Sangma kila ioh thep ha ka minit ba 37 bad 90 na ka bynta ka Maram. Ka kol jong ka Balmanduri kala wan lyngba u Chichang M Momin ha ka minit ba 71.
Ka jingialehkai mynta ka sngi (baroh ki jingiakhun kan sdang ha ka por 3 baje janmiet)
Group A (Shillong SSA Stadium) – Ym don jingiakhun
Group B (Shillong MFA Ground) – Mawlum Tyrsad SCC vs Mulang SC Nongbah
Group C (Amlarem) – Laskein SCSC vs Amlarem SC
Group D (Khliehriat) – Thangskai Tiger SC vs Rymbai Shkenshynriah SC
Group E (Wahiajer) – Iatyllilang Lumsehkot CSC vs Shillong Lajong FC
Group F (Mairang) – Langsning FC vs Lawbah SC
Group G (Williamnagar) – A’chik SCO Rongjeng vs Attong Matgrik FC
Group H (Mawkyrwat) – Rangdajied United FC vs Seng Samla Umdang Pyllun
