Shillong, Nailar 20 : U Myntri ka Tnad bording Abu Taher Mondal ha ka sngi Ba-ar, ula ong ba kam don shuh kano kano ka jingmut ban pynim ia ka Kynshi Power Project stage-I hynrei ka tnad kala shim ia ki sienjam ban pyntrei ia ki power project ha ka wah Kynshi.
Ula pyntip ia kane hadien ka jingiakynduh bad ka kynhun Joint Committee of Local People on Kynshi Hydro Power Project, kaba la wanpan jingpynshai ioh ka Sorkar ka don jingthmu ban pynim ia ka Kynshi Hydro Power Project stage-I.
“Nga la ong ha ki ba ia mynta hi kam don eiei kaba kum kata hynrei ngi la trei khlem shongthait ban peit ia kiwei pat ki project pynmih bording ha ka wah Kynshi” ong u Mondal haba iakren bad ki nong thoh khubor.
Ula pyntip ba ka Joint Committee kala kular ban ai ka jingiatreilang kaba pura bad ka Sorkar.
Ha ka 12 tarik Nailur, 2023, ka Sorkar Jylla kala pynduh noh ia ka Kynshi Power Project stage-I hadien ka jingshem ba kam iahap shuh bad ka jinglut jingsep.
Ka Kynshi stage-I ka dei kaba la aiti sha kawei ka kompani pynmih bording ha u snem 2007.
