Aizawl, Naiwieng 20: Ka Mizoram NGO Coordination Committee (NGOCC) kala rai ban phah ia ka kynhun sha Delhi ba kin leit kyrpad biang sa shisien ia ka Election Commission of India (ECI) ba kan pynkynriah noh ia ka sngi niew vote jong ka elekshon MLA bala buh ban long ha ka 3 tarik Nohprah namar ka jinghap ha ka sngi U Blei.
Ka NGOCC kaba dei ka synjuk jong ki sengbhalang bapher bapher, kala rai ban leit kyrpad biang ia ka ECI ba kan burom lem ia ka sngi kyrpang jong ki Khristan ka Jylla.
Kane ka rai jong ka NGOCC kala mih hadien ka jingleit iakynduh ia u Chief Electoral Officer (CEO) ka Jylla Madhup Vyas ha ka taieew bala lah.
Ka ECI kala aiktien sha u CEO ba kan ym lah ban pynkylla ia ka sngi niew vote la 3 tarik Nohprah, kaba la pynmih ia ka jing pyrshah kaba jur na baroh ki seng sain pyrthei bad ki sengbhalang ka Mizoram.
Naduh ba pynbna ia ka elekshon MLA ba 7 tarik Naiwieng da ka ECI myn ha ka 9 tarik Risaw, baroh ki seng sain pyrthei, ki seng niam, ki sengbhalang bad ki kynhun bapher bapher kila phah jngthoh sha ka ECI ba kyrpad ban pynkynriah noh ia ka sngi niew vote namar ba ka hap ha ka sngi U Blei.
Ka jingniew vote ha ka 3 tarik Nohprah kan long syndon ia baroh san tylli ki Jylla kata ka Mizoram, Madhya Pradesh, Chhattisgarh, Rajasthan bad Telangana.
 kala rai ban phah ia ka kynhun sha Delhi ba kin leit kyrpad biang sa shisien ia ka Election Commission of India (ECI) ba kan pynkynriah noh ia ka sngi niew vote jong ka elekshon MLA bala buh ban long ha ka 3 tarik Nohprah namar ka jinghap ha ka sngi U Blei.){kind=link}