Aizawl, Nailar 20: Ka Jylla Mizoram ka la buh bad pyntreikam syndon da ki ATM ha ka koit ka khiah, kaba ailad ïa ki briew ban peit ïa ki jingdonkam ba kongsan jong ka koit ka khiah khlem da rung ne kynduh iaki Doctor.
Ia ki Kiosk la plie paidbah ha ka sngi Nyngkong ha Civil Hospital Lunglei bad ha PHC Lungsen hapoh ka Healthy Lunglei Initiative.
Ki ATM, kiba la pyndonkam da ka Internet of Things (IoT) Technology, ki ai ia ka jingtest khlem jingsiew na ka bynta ki 35 tylli ki jait jingpang kynthup ia ka jingshit met, ka shini, ka BMI bad ka ECG.
Ia ki resol jong ki Test la pynmih mardor bad la phah sha ki mobile phone jong ki paidbah khlem da siew pisa.
U Myntri ka tnat ka koit ka khiah u Lalrinpuii u la ong ba kane ka sienjam kan pynlong ia ki jingpeit bniah ba kongsan haka koit ka khiah wat ha ki jaka nongkyndong bad kan pynduna ia ka jingiapher bad ki jingsumar kiba don ha sor.
Ïa kane ka projek la kyrshan da ka jingïasoi MoU hapdeng ka MVS India, Lunglei DC’s office bad ka ABCI Infrastructures Pvt.
Ka Infrastructures Pvt. Ltd, CSR partners ABCI bad ka BRN ki bei tyngka iaka project katba ka MVS India pat ka pynïaid bad pyntreikam iaka project.
