Mizoram : Nang jur ka jingwan phet wir ki Kuki-Chin na Bangladesh ba jur ka jingiakynad

Date:

Share post:

Aizawl, Jylliew 19 : Ka jingwan phetwir jong ki jaidbynriew Kuki-Chin kiba sah ha Bangladesh sha Mizoram, kala nang jur mynta namar ka jingiakynad kaba la nang heh ha ka thain Chittagong Hill Tracts (CHT) ha kine ki arsngi bala leit noh.

Kat kum ka jingiathuh ki Heh Ophisar, sa kumba 30 ngut ki phetwir ba kynthup ia 9 tylli ki Longiing kila poi wan phetrieh sha Mizoram.

Ka jingpoi ki phetwir na Bangladesh sha Mizoram kala kiew shaka 1901 ngut ba kynthup ia 505 ngut ki kynthei bad 810 ngut ki khynnah. “Kiba bun na kine ki phetwir Bangladesh la pynsah ha ki 12 tylli ki ktem, katba don katto katne kila leit sah bad la ki bahaiing hasem bad ki paralok” ong ka khubor.

Hadien ka jingkhie ka jingiakynad pher jaidbynriew ha Chittagong Hill Tracts, ki paid riewlum kila sdang ban wan phetwir sha Mizoram naduh u Naiwieng 2022.

Kiba bun kine ki phetwir ki dei ki Jaidbynriew Kuki-Chin, kiba dei ki riewlum Bawm bad Pang, kiba la phet namar ka jingialeh thma hapdeng ki shipai Bangladesh bad ka Kuki-Chin National Army (KNA) kaba iakhun ia ka jingioh synshar laitluid ki riewlum ha Chittagong Hill Tract.

Nalor ki nong Bangladesh, sa kumba 34000 ngut ki phetwir ba kynthup ia 10,905 ki kynthei bad 12,844 ki khynnah kila wan phet na Myanmar bad mynta kila shong riehtngen ha baroh ki 11 tylli k District jongka Mizoram.

Ka Mizoram kala ai jaka rieh ia kumba 9000 ngut ki jaidbynriew Kuki-Zomi-Hmar kiba la kylla phetwir hadien ba khie ka thma iapher Jaidbynriew ha Manipur ha u Jymmang 2023.

Share post:

spot_img

Popular

More like this
Related

Harijan Relocation Row: Govt. aims to finalise relocation by year-end; Exploring Defense land options

Shillong, Oct 25 : After numerous delays and multiple...

Shongshit ka tamasa sohphlang ha Mawkynrew

Shillong, Risaw 25: Ka Mawkynrew Sohphlang Eco-Cultural Indigenous Society,...

Khot sngewbha u Syiem Khyrim ia u Lat ka Jylla sha ka Shad Nongkrem

Shillong, Risaw 25: U Syiem ka Hima Khyrim u...

Kwah ka Sorkar ban dep pynkynriah ia ki Longiing na Them Metor hashwa ban kut u 2024

Shillong, Risaw 25 : Ka sorkar jylla kala rai...